COSADIELLES
Llee con procuru y resuelve estes cosadielles.
¿Cuántes acertasti?
Unvíame les soluciones que tengas y dalguna más que sepas tú, al corréu: raquelcv@educastur.org
¿Qué cosa cosadiella ye que cuánto más se mira menos se ve?
¿Qué ye?
En requexos y ente les cañes les mios redes voi faciendo pa que les mosques despistaes nelles vayan cayendo.
¿Quién ye?
Blanca per dientro, verde per fuera,
si quies que te la diga,
espera.
¿Qué ye?
El mio cuerpu enllunu pinchos, asusta a los mios enemigos y si dalgunu m´amenaza, camúdome nun oviellu
¿Quién ye?
Royer ye´l mio trabayu,
quesu´l mio aperitivu,
el gatu foi´l siempre ´l mio peor enemigu.
¿Quién ye?
Llévolo too delantre
los colmiellos pa la llucha y la trompa pa la ducha.
¿Quién ye?
¿Qué vexetal ye dos veces animal?
¿Qué ye?
Fui a mercar y merqué delles. Cuando llegué a casa lloré por elles.
¿Qué ye?
¿Qué ye dalgo y nada
a la vez?
¿Quién ye?
Milenta dames per un camín ensin polvu nin remolín.
¿Quién son?
Una vieya con un diente que llama a tola xente.
¿Qué ye?
Tengo copa y nun soi árbol
tengo ales y nun soi páxaru;
protexo del sol al mio amu,
n´iviernu y en branu.
¿Qué ye?
